كلمات أغنية هسي فيك أنا شن أسو

] : هسي فيك أنا شن أسو يا سلام لو جيتي ابدر ... وهل تفيد بالله لو ياتو غيما نازلة منو ... وياتو مخمل وياتو جو والكواكب ايه لزومة وإنتي مالية الدنيا ضو &&&&& علمي الغصن الطراوة ومن نداوتك هششي وعلمي البان التثني والتمايل وادهشي وعلمي الطاؤوس يعدل في إختيالو وفي مشي الجمال لميتي كلو ... للمعاك ما سبتي شئ وقلبي تاه من يوم عرفتك الإتوه ما تفتشي &&&&& الحرير شافك تحير وصد زعلان حنسي إنتي أنعم منو ملمس الإ جاملي والبسي وطيفي لو جاك في الأماسي هدهديو وونسي أحكي ليهو وقولي ليهو وبي ودادك حسسي &&&&& النسيم لو مر جنبك بي أريجك عطري وخلي بعدك لينا يوصل أوع يرجع حزري الورد من فيض نداكي أدي برضو أتزكري عمري ليك أنا واهبو كلو هاتي نظرة وشتري وإن ودر في دربك إنتي يعني ايه ما تودري &&&&& الجمال العمرو ولي جيتي تاني ترجعي والدلال القالوا قل جيتي في الكون تزرعي وقلبي من الريد تخلي جيتي تاني تلوعي البريق الفي عيونك كفي عني و أقرعي ما براي تصليني بيهو ضني بيهو و أمنعي ما الكلام الداير أقولو من عيوني بتسمعي &&&&& يوم تدخلي علي المحافل الحضور بتجهجهي العيون تبراك جحافل وكل زول بتوهي القمر في ليل تمامو بشبهك ما بتشبهي والنجوم ما تشابي ليها خليها تنزل ليكي هي أنضميها وزيني بيها جيدك النادي البهي الفراش لو رك فاكرك زهرة أوع تنبهي خلي يرشف ما رحيقك مافي زول ما مشتهي &&&&& الورد لو جيتي جنبو بقطفك ما بتقطفي والنحل بهجر مناحلو ويرشفك ما بترشفي قلبي فارش ليك أزاهر خشي جوا وشرفي الإ بس شيشك عليهو إجتياحك خففي وفي الدخول خليك حنينه نبضو أوعي توقفي منقول